اسلام آباد: ڈاکٹر رضا باقر کی بطور گورنر اسٹیٹ بینک مدت ملازمت مکمل ہونے کے بعد ڈپٹی گورنر اسٹیٹ بینک ڈاکٹر مرتضی سید پاکستان کے مرکزی بینک کے گورنر کا عہدہ سنبھالیں گے۔ْ
سماجی رابطے کی ویب سائٹ ٹوئٹر پر گورنر اسٹیٹ بینک کے حوالے سے لکھتے ہوئے مفتاح اسماعیل نے کہا کہ ’ جیسا کہ گورنر اسٹیٹ بینک ڈاکٹر رضا باقر کی مدت ملازمت ختم ہوگئی ہے، قانون کے مطابق اب سینئر ترین ڈپٹی گورنر اس وقت تک عہدہ سنبھالیں گے۔‘
As the term of Governor SBP Dr Reza Baqir has come to an end, as per law the senior most Deputy Governor takes over until. Therefore Dr Murtaza Syed, an eminently qualified economist with rich IMF experience, will take over as Governor SBP. I wish him the best in his new role.
— Miftah Ismail (@MiftahIsmail) May 4, 2022
وزیر خزانہ نے مزید لکھا کہ’ ڈاکٹر مرتضیٰ سید گورنر اسٹیٹ بینک کا عہدہ سنبھالیں گے جو کہ آئی ایم ایف کا بھرپور تجربہ رکھتے ہیں اور ایک نامور ماہر معاشیات ہیں، میں ان کے نئے کردار کے لیے نیک خواہشات کا اظہار کرتا ہوں۔‘
