واشنگٹن : بٹ کوائن گزشتہ روز دو سال کی بلند ترین سطح پر پہنچ گیا ہے جس نے65 ہزارڈالر سے اوپر کاریکارڈ توڑ دیا ۔ قیمت یورپ میں ابتدائی طور پر65,537 ڈالر کی بلند ترین سطح پر پہنچ گئی ہے جو پہلے ہی ایشیائی تجارت میں دو سال کی بلند ترین سطح پر پہنچ چکی ہے۔
رپورٹ کے مطابق بٹ کوائن آخری بار 4 فیصد اضافے کے ساتھ 65,045 ڈالرپر تھا۔ بٹ کوائن نے نومبر 2021 میں68,999.99 ڈالرکا ریکارڈ بنایا۔مارکیٹ ویلیو کے لحاظ سے سب سے بڑی کرپٹو کرنسی میں اس سال 50فیصدکا اضافہ ہوا ہے اور زیادہ تر اضافہ گزشتہ چند ہفتے میں ہوا ہے جہاں امریکہ میں رجسٹرڈ بٹ کوائن فنڈز میں آمد میں اضافہ ہوا ہے۔
رواں سال کے شروع میں امریکا میں اسپاٹ بٹ کوائن ایکسچینج ٹریڈڈ فنڈز کی منظوری دی گئی تھی۔ ان کے آغاز نے نئے بڑے سرمایہ کاروں کے لیے راستہ کھول دیا ہے ۔
