لاہور: پولیس نے اقبال ٹاؤن کے فیملی پارک میں خواتین کو ہراساں کرنے والے اوباش ملزم کو گرفتار کرلیا۔ تفصیلات کے مطابق، اقبال ٹاؤن پولیس نے 15 کال پر فوری کارروائی کرتے ہوئے گلشن اقبال فیملی پارک میں ملزم وہاب کو گرفتار کیا، جو خواتین کو ہراساں کر رہا تھا۔
پولیس کے مطابق، خواتین اپنے خاندان کے ساتھ پارک میں تفریح کے لیے آئی ہوئی تھیں، جہاں ملزم وہاب ان کے ساتھ بدتمیزی اور چھیڑ چھاڑ کر رہا تھا۔ پولیس نے ملزم کو فوری طور پر گرفتار کر کے اس کے خلاف مقدمہ درج کر لیا۔
