لاہور میں گن پوائنٹ پر فرسٹ ائیر کی طالبہ سے زیادتی

لاہورمیں فرسٹ ائر کی طالبہ سے گن پوائنٹ اجتماعی زیادتی کا واقعہ ہوا ہے ۔ افسوسناک واقعہ سندر کے علاقے میں ہوا جس کے بعد پولیس ملزمان کو تلاش کررہی ہے ۔

تفصیلات کے مطابق لاہور کے علاقے سندر میں فرسٹ ائیر کی طالبہ کو گن پوائنٹ پر زیادتی کا نشانہ بنایا گیا ہے ۔ پولیس کا کہنا ہے کہ طالبہ رہائش گاہ کے قریب ہی ایک گھر میں کمپیوٹر سیکھنے جاتی تھی ۔ طالبہ کو ملزم حیدر نے اپنے دوساتھیوں کی مدد سے پہلے اغوا کیا  ۔

پولیس کے مطابق ملزم طالبہ کو دوساتھیوں کی مدد سے اغوا کرکے نامعلوم مقام پر لے گیا جہاں اس کو گن پوائنٹ پر زیادتی کا نشانہ بنایا گیا ۔ پولیس مقدمہ درج کرکےملزمان کی گرفتاری کے لئے چھاپے مار رہی ہے ۔

متاثرہ لڑکی نے پولیس کو بتایا کہ ملزم نے اس کو زیادتی کا نشانہ بنایا اور پھر ایک خالی کاغذ پر اس سے سائن بھی کروائے  ۔