دبئی :واٹس ایپ نے صارفین کو ایک اور زبردست سہولت فراہم کر دی جس کے تحت اب ڈس اپیئرنگ میسجز کی مدت کو بڑھا دیا گیا ہے ۔
واٹس ایپ انتظامیہ کے مطابق گزشتہ سال نومبر میں ڈس اپیئرنگ میسجز کا آپشن متعارف کروایا تھا جو مخصوص چیٹس میں ان ایبل کرکے پیغامات کو سات روز میں غائب کرنے میں مدد فراہم کرتا ہے۔
نئی اَپ ڈیٹ کے تحت اب ڈس اپیئرنگ میسجز میں صارفین کو 24 گھنٹے اور 90 دن کے 2 نئے آپشنز کی سہولت دی جا رہی ہے ۔ اس سے صارفین 24 گھنٹوں یا 90 دن میں پیغامات کو غائب کرنے کا آپشن آن کر سکتے ہیں ۔
اگرچہ نئی ڈیفالٹ سیٹنگ گروپ چیٹس کو متاثر نہیں کرتی، واٹس ایپ کا کہنا ہے کہ اس نے گروپ بناتے وقت ایک نیا آپشن شامل کیا ہے تاکہ آپ غائب ہونے والے پیغامات کی خصوصیت کو فعال کرسکیں۔
واٹس ایپ کا کہنا ہے کہ نئی خصوصیات اب تمام پلیٹ فارمز پر دستیاب ہیں۔ ان تھری ایم فور کے استعمال کے بارے میں ہدایات واٹس ایپ کے اکثر پوچھے گئے سوالات میں مل سکتی ہیں۔
