اسلام آباد: تعلیمی میدان میں پاکستان کا شمار سب سے زیادہ تعلیم یافتہ آبادی والے ممالک میں نہیں ہوتا ہے۔
ورلڈ آف سٹیٹکس نے سماجی رابطے کی ویب سائٹ ایکس پر یو ایس نیوز اور ورلڈ رپورٹ کی رپورٹ کے مطابق دنیا کے 84 ایسے ممالک کی فہرست شیئر کی جن کا شمارتعلیمی طور پر سب سے زیادہ تعلیم یافتہ آبادی والے ممالک میں ہوتا ہے۔
08c419152ada7136a168b6e27c417320
یو ایس نیوز اور ورلڈ رپورٹ کی جانب سے کہا گیا کہ یہ وہ سرفہرست ممالک ہیں جنہیں عالمی سروے کے جواب دہندگان کے ذریعہ تعلیم یافتہ آبادی کے طور پر دیکھا جاتا ہے۔
یو ایس نیوز اور ورلڈ رپورٹ کی جاری کردہ 84 ممالک کی فہرست میں جاپان سر فہرست ہے جبکہ بھارت کا 50 واں، سعودی عرب کا 45 واں، متحدہ عرب امارت کا 31 واں نمبر ہے۔ سب سے زیادہ تعلیم یافتہ ممالک کی فہرست میں کینیڈا کا 7واں، برطانیہ کا آٹھواں، امریکہ کا 20واں اور چائنہ کا 27واں نمبر ہے۔
یو ایس نیوز اور ورلڈ رپورٹ کا کہنا ہے کہ درجہ بندی کرنے کا یہ معیار امریکی خبروں کے بہترین ممالک کی درجہ بندی اور معیار زندگی کی ذیلی درجہ بندی میں اہم کردار ادا کرتا ہے۔
