دبئی : آئی سی سی چیمپئنز ٹرافی 2025 کے فائنل کے لیے میچ آفیشلز کا اعلان کردیا گیا ہے۔ فائنل میچ کے دوران پال ریفل اور رچرڈ النگورتھ امپائرنگ کے فرائض سرانجام دیں گے، جب کہ جوئیل ولسن تھرڈ امپائر اور رنجن مدوگالے میچ ریفری کے طور پر خدمات انجام دیں گے۔
چیمپئنز ٹرافی کا فائنل بھارت اور نیوزی لینڈ کے درمیان اتوار کو دبئی میں کھیلا جائے گا۔ بھارت نے آسٹریلیا کو باآسانی سیمی فائنل میں شکست دی، جبکہ نیوزی لینڈ نے جنوبی افریقہ کو ہرا کر فائنل میں جگہ بنائی۔ ایونٹ کی دفاعی چیمپئن اور میزبان ٹیم پاکستان بدقسمتی سے اپنا ایک بھی میچ نہ جیت سکی تھی، اور وہ اس بار فائنل میں جگہ بنانے میں کامیاب نہیں ہو سکی۔
