کھانسی کے سیرپ سے 14 بچوں کی ہلاکت

مدھیا  پردیش:بھارت میں کھانسی کے سیرپ پینے سے 14 بچے ہلاک ہو گئے ہیں، جن میں سب سے زیادہ اموات مدھیا پردیش، راجستھان اور تامل ناڈو میں رپورٹ کی گئی ہیں۔ مدھیہ پردیش میں 11 بچوں کی ہلاکتیں اس واقعے کی سب سے زیادہ تعداد ہیں۔

بھارتی حکام نے اس خطرناک واقعے کے بعد سیرپ پر فوری پابندی عائد کر دی ہے تاکہ مزید نقصان سے بچا جا سکے۔ مقامی میڈیا کے مطابق، کھانسی کے اس سیرپ میں زہریلے کیمیکل کی موجودگی کی تصدیق ہوئی ہے، جس کی بنیاد پر دواساز کمپنی کے خلاف کرمنل مقدمہ درج کیا گیا ہے۔

اس کیس میں ادویات میں ملاوٹ اور ڈرگز اینڈ کاسمیٹکس ایکٹ کی خلاف ورزی کے الزامات شامل ہیں، جبکہ ایک ڈاکٹر کو بھی گرفتار کر لیا گیا ہے۔ حکام اس واقعے کی مزید تحقیقات کر رہے ہیں تاکہ ذمہ داران کو سخت سزا دی جا سکے۔