کراچی :سندھ میں رواں سال یکم جنوری سے 7 اپریل تک ملیریا کے 13 ہزار 560 کیسز رپورٹ ہو چکے ہیں، جن میں کراچی، حیدر آباد اور دیگر اہم ڈویژنوں سے کیسز شامل ہیں۔
کراچی میں 168 کیسز رپورٹ ہوئے ہیں، جن میں سب سے زیادہ 65 کیسز ضلع جنوبی سے سامنے آئے۔ دیگر اضلاع جیسے ضلع ملیر سے 55، ضلع غربی سے 26 اور ضلع کورنگی سے 15 کیسز رپورٹ ہوئے ہیں۔
حیدر آباد ڈویژن میں 5 ہزار 543، لاڑکانہ ڈویژن میں 3 ہزار 843 اور شہید بینظیر آباد ڈویژن سے 1 ہزار 569 کیسز رپورٹ ہوئے ہیں۔ محکمۂ صحت سندھ نے مچھر مار مہم کو مزید مؤثر بنانے اور ملیریا کی روک تھام کے لیے خصوصی اقدامات شروع کر دیے ہیں۔
