Thu, September 17, 2026

Get Alerts

 "اکیڈمک ایکسیلنس ایوارڈ 2025":نوجوان ہمارا سرمایہ ، تعلیم ہی ترقی کا راستہ ہے: چیئرمین ایپ سپ پروفیسر ڈاکٹر چودھری عبد الرحمان

 

مہمان خصوصی گورنر  پنجاب سردار سلیم حیدر خان تھے،تقریب میں  ممتاز وائس چانسلرز، ماہرینِ تعلیم ،نئی بات میڈیا گروپ کے سی او او فواد احمد اور ایگزیکٹو ڈائریکٹر نصراللہ ملک  ، سپیریئر یونیورسٹی کی ریکٹر پروفیسر ڈاکٹر سمیرا رحمان، چیئرمین ہائر ایجوکیشن کمیشن پروفیسر ڈاکٹر مختار اور یونیورسٹی آف لاہور کے چیئرمین پروفیسر اویس رؤف بھی شریک ہوئے

لاہور: ایسوسی ایشن آف پرائیویٹ سیکٹر یونیورسٹیز آف پاکستان (ایپ سپ) کے زیر اہتمام "اکیڈمک ایکسیلنس ایوارڈ 2025" کی پروقار تقریب لاہور میں منعقد ہوئی   جس کے مہمان خصوصی گورنر  پنجاب سردار سلیم حیدر خان تھے۔تقریب میں  ملک بھر سے ممتاز وائس چانسلرز، ریکٹرز، ماہرینِ تعلیم اور اعلیٰ حکام نے تقریب میں شرکت کی۔
میڈیا سے وابستہ شخصیات  میں  نئی بات میڈیا گروپ کے سی او او فواد احمد اور ایگزیکٹو ڈائریکٹر نصراللہ ملک  نے بھی تقریب میں خصوصی شرکت  کی۔تقریب میں سپیریئر یونیورسٹی کی ریکٹر پروفیسر ڈاکٹر سمیرا رحمان، چیئرمین ہائر ایجوکیشن کمیشن پروفیسر ڈاکٹر مختار اور یونیورسٹی آف لاہور کے چیئرمین پروفیسر اویس رؤف بھی شریک ہوئے۔


تقریب سے خطاب کرتے ہوئے چیئرمین ایپ سپ پروفیسر ڈاکٹر چودھری عبد الرحمان نے کہا  نوجوان ہمارا سب سے قیمتی اثاثہ ہیں، جن کی تعلیم و تربیت میں ہی پاکستان کے تمام سماجی و معاشی مسائل کا حل پوشیدہ ہے۔ اقوام ہمیشہ اپنے ہیروز سے پہچانی جاتی ہیں اور ہم آج ان عظیم شخصیات کو خراجِ تحسین پیش کر رہے ہیں جنہوں نے تعلیم کے شعبے میں غیر معمولی خدمات انجام دیں۔

انہوں نے کہا کہ یہ ایوارڈز ان شخصیات کو دیے جا رہے ہیں جنہوں نے عالمی سطح پر پاکستان کا نام بلند کیا اور یونیورسٹیوں کی عالمی رینکنگ بہتر بنانے میں نمایاں کردار ادا کیا۔

صرف ڈگری حاصل کر لینے سے بات نہیں بنتی، کردار سازی سب سے اہم عنصر :گورنر پنجاب

تقریب کے مہمانِ خصوصی گورنر پنجاب سردار سلیم حیدر خان نے کہا   "صرف ڈگری حاصل کر لینے سے بات نہیں بنتی، کردار سازی سب سے اہم عنصر ہے۔ استاد کو محض علم دینے والا نہیں بلکہ ایک رول ماڈل ہونا چاہیے۔ پاکستان کی ترقی کے لیے ہمیں اپنی نوجوان نسل کو فکری، اخلاقی اور سائنسی بنیادوں پر تیار کرنا ہوگا۔گورنر نے مزید کہا کہ تعلیمی ماہرین کو بااختیار بنا کر ہم اپنی جامعات کی ریٹنگ بہتر بنا سکتے ہیں۔


تقریب میں ملک کی صف اول کی جامعات کے سربراہان نے شرکت کی جن میں شامل ہیں:

    پروفیسر ڈاکٹر نیاز احمد اختر (وائس چانسلر، قائداعظم یونیورسٹی)

    پروفیسر ڈاکٹر محمد علی (وائس چانسلر، جامعہ پنجاب)

    پروفیسر ڈاکٹر ساجد قمر (ریکٹر، کامسیٹس یونیورسٹی اسلام آباد)

    وائس ایڈمرل (ر) آصف خالق (ریکٹر، بحریہ یونیورسٹی اسلام آباد)

    میاں عمران مسعود (وائس چانسلر، یونیورسٹی آف ساؤتھ ایشیا)

    پروفیسر ڈاکٹر ندیم (وائس چانسلر، لاہور لیڈز یونیورسٹی)

    ڈاکٹر معید وسیم یوسف (وائس چانسلر، بیکن ہاؤس نیشنل یونیورسٹی)

    پروفیسر ڈاکٹر خالد مسعود گوندل (فاطمہ جناح میڈیکل یونیورسٹی)

    پروفیسر ڈاکٹر شاہد منیر (یو ای ٹی لاہور)


ایوارڈز کی تقسیم اور اعزازات

تقریب میں عالمی سطح پر بہتر کارکردگی کا مظاہرہ کرنے والی یونیورسٹیوں کو اکیڈمک ایکسیلنس ایوارڈز سے نوازا گیا۔ یہ اعزازات پاکستان میں اعلیٰ تعلیم کے فروغ، معیاری تدریس، ریسرچ اور عالمی سطح پر شناخت بنانے والے تعلیمی اداروں کو دیے گئے۔

ٹیگز:
تازہ ترین

فلم ’’لالی ‘‘سرمد کھوسٹ نے ڈی سی ساؤتھ ایشین فلم فیسٹیول میں بہترین ہدایت کار کا ایوارڈ جیت لیا

پیٹرول اور ڈیزل کی قیمتوں میں ایک بار پھر بڑا اضافہ

پاکستان کا بھارتی بحری جہاز کی مبینہ خلاف ورزی پر احتجاج، بھارتی سفیر دفتر خارجہ طلب

متعلقہ خبریں

لاہور میں اکیڈمک ایکسیلنس ایوارڈ 2025 کی پروقار تقریب، ملک بھر سے تعلیمی شخصیات  شرکت کے لیے پہنچ گئیں

چیئرمین ایچ ای سی کی چیئرمین ایپ سپ پروفیسر ڈاکٹر چودھری عبد الرحمان سے ملاقات، ہائیر ایجوکیشن کے فروغ پر گفتگو

پروفیسر ڈاکٹر چودھری عبد الرحمان کا اعلیٰ تعلیم کو بچانے کیلئے وزیراعظم شہباز شریف کے نام اہم خط

Live Tv

تازہ ترین
بلاگز

Neo News | Copyright © 2026