سندھ اسمبلی میں ممبران کی تنخواہوں اور الاؤنسز میں اضافے کا بل متفقہ طور پر منظور

کراچی:سندھ اسمبلی نے ممبران کی تنخواہوں اور الاؤنسز میں اضافے کے حوالے سے بل متفقہ طور پر منظور کر لیا۔ صوبائی وزیر داخلہ ضیا الحسن لنجار نے یہ بل ایوان میں پیش کیا۔ بل کی منظوری کے بعد سندھ اسمبلی کے ممبران کی تنخواہوں اور الاؤنسز میں اضافہ ہو گا۔

سینئر وزیر شرجیل میمن نے اسمبلی میں اظہار خیال کرتے ہوئے کہا، "ہم جشن آزادی اور معرکہ حق دونوں کو ایک ساتھ منا رہے ہیں۔" انہوں نے مزید کہا کہ "13 اگست کو جشن آزادی اور معرکہ حق کا سب سے بڑا پروگرام منعقد کیا جائے گا، جس میں عوام کی بڑی تعداد شریک ہو گی۔"

اس بل کی منظوری کے بعد سندھ اسمبلی کے ممبران کی تنخواہوں میں اضافہ ہونے کے ساتھ ساتھ ان کے دیگر الاؤنسز میں بھی اضافہ متوقع ہے۔