اسلام آباد: فواد چودھری نے کہا ہے کہ انڈین کرکٹرز کی جانب سے فوجی ٹوپیاں پہن کر میچ کھیلنا بالکل کرکٹ نہیں ہے۔
تفصیلات کے مطابق ، وفاقی وزیر اعلاعات فواد چوہدری نے انڈین کرکٹرز کی جانب سے فوجی ٹوپیاں پہننے کے بھارتی کرکٹ بورڈ کے فیصلے کو شدید تنقید کا نشانہ بنایا ، سمابی رابطوں کی ویب سائٹ پر اپنے جاری کردہ بیان میں وفاقی وزیر نے لکھا کہ بھارتی کرکٹ ٹیم کا آسٹریلیا کے خلاف میچ میں فوجی ٹوپی پہننے کا معاملہ کرکٹ بالکل نہیں ہے۔
“It’s just not Cricket”, I hope ICC ll take action for politicising Gentleman’s game ... if Indian Cricket team ll not be stopped, Pak Cricket team should wear black bands to remind The World about Indian atrocities in Kashmir... I urge #PCB to lodge formal protest pic.twitter.com/GoCHM9aQqm
— Ch Fawad Hussain (@fawadchaudhry) March 8, 2019
فواد چودھری نے کہا کہ بھارتی ٹیم کو روکا جانا چاہیئے انہوں نے اس امید کا اظہار کیا کہ جینٹلمینز گیم کو سیاسی بنانے پر انٹرنیشنل کرکٹ کونسل کارروائی کرے گی۔ ورنہ پاکستانی ٹیم کو مقبوضہ کشمیر میں بھارتی مظالم بے نقاب کرنے کے لیے سیاہ پٹیاں باندھنا چاہیں۔ پاکستان کرکٹ بورڈ اس معاملہ پر باضابطہ احتجاج کرے۔
