لاہور : پولیس تشدد پر سابق وزیر اعظم عمران خان نے احتجاجاً لاہور میں انتخابی ریلی ختم کرنے کا اعلان کر دیا ہے۔
بدھ کی شام اپنے پیغام میں تحریک انصاف کے سربراہ عمران خان نے کہا کہ الیکشن سے بھاگنے کے لیے اس قسم کے حربے استعمال کیے جا رہے ہیں۔
ان کا کہنا تھا کہ تحریکِ انصاف کے کارکن کسی قسم کے انتشار کا حصہ نہ بنیں تاکہ حکومت کو الیکشن سے بھاگنے کا موقع نہ مل سکے۔
پی ٹی آئی رہنما حماد اظہر نے بتایا کہ چیئرمین کی ہدایات پر ریلی ملتوی کی جا رہی ہے۔ پی ٹی آئی کارکنان سے کہتے ہیں پرامن رہیں اورگھر چلے جائیں۔
انہوں نے کہا کہ ہماری ریلی کو غیر قانونی طریقے سے روکا گیا ۔ عمران خان کی تقریر پر پابندی عائد کی گئی ہے ۔ یہ ملک میں خون خرابہ اور افراتفری چاہتے ہیں ۔
