روس نے 12 سال بعد ونٹر پیرا اولمپکس میں پہلی بار میڈلز جیت لیے

میلان: سال 2014ء کے بعد پہلی بار روسی پیرا اولمپینز نے ونٹر پیرا اولمپکس میں کامیابی حاصل کی ہے۔ وارفارا وورنچکھینا اور الیکسے بگائووف نے اٹلی میں خواتین اور مردوں کے ڈاؤن ہل اسٹینڈنگ مقابلوں میں کانسی کے تمغے جیتے۔

23 سالہ وورنچکھینا دو بار پیرا-الپائن اسکیئنگ کی عالمی چیمپئن رہ چکی ہیں اور یہ ان کا پہلا پیرا اولمپکس ایونٹ تھا، کیونکہ گزشتہ کئی سالوں سے روسی کھلاڑیوں پر پابندی تھی۔ انہوں نے صحافیوں سے کہا کہ "یہ میرا پہلا میڈل ہے اور مجھے بہت فخر محسوس ہو رہا ہے۔ ہمارے پرچم کو سٹیڈیم اور افتتاحی تقریب میں لہراتا دیکھنا خوشی کی بات ہے۔"

تین بار کے سونے کے تمغے کے حامل بگائووف نے بھی خوشی کا اظہار کرتے ہوئے کہا کہ "یہ اچھا ہے کہ ہم دوبارہ اپنے ملک کی نمائندگی کر سکتے ہیں اور معمول کے مطابق مقابلہ کر سکتے ہیں۔"

روس کے پیرا اولمپک کھلاڑی جنوری 2026ء میں مقابلوں کے لیے کلیئر ہوئے، جب ماسکو نے انٹرنیشنل سکی اینڈ سنوبورڈ فیڈریشن کے خلاف کورٹ آف آر بیٹریشن فار سپورٹس میں اپیل جیت لی۔ اس سے پہلے عالمی اینٹی ڈوپنگ ایجنسی کی تحقیقات کے بعد روسی کھلاڑیوں پر پابندی عائد تھی۔

میلان میں پیرا اولمپکس جمعہ سے شروع ہوئی اور 15 مارچ تک جاری رہے گی۔ روسی کھلاڑی اتوار کو اسنو بورڈنگ میں مقابلہ کریں گے۔