وزیر اعظم شہباز شریف نے وفاقی کابینہ کا اجلاس کل طلب کر لیا

اسلام آباد:وزیر اعظم شہباز شریف نے کل وفاقی کابینہ کا اجلاس طلب کر لیا ہے۔ اجلاس میں ملکی معاشی اور سیاسی صورتحال پر تفصیلی تبادلہ خیال کیا جائے گا۔

ذرائع کے مطابق وزیر اعظم اپنے حالیہ اور آئندہ غیر ملکی دوروں کے حوالے سے کابینہ کو اعتماد میں لیں گے اور مختلف قومی امور پر مشاورت کریں گے۔

کابینہ کے اجلاس میں اہم قومی اور بین الاقوامی معاملات زیر بحث آنے کا امکان ہے، جس کا مقصد حکومتی حکمت عملی کو مزید مضبوط بنانا ہے۔