بے حیائی پھیلانے کے الزام میں 20 سالہ ماڈل کو سخت سزا

حوثی فورسز نے 20 سالہ یمنی ماڈل کو  بے حیائی پھیلانے کے الزام میں 5 سال قید کی سزا سنا دی۔

حوثی فورسز نے ماڈل ’’انتصار -الحمادی ‘‘ کو فروری میں حراست میں لیا تھا ،انتصار کے ساتھ دیگر تین اور خواتین کو بھی قید کی سزا سنائی گئی ہے۔

صنعا شہر کی عدالت میں ماڈل کے خلاف مقدمہ چلایا گیا جس میں ان پر بے حیائی پھیلانے اور منشیات رکھنے کا جرم ثابت ہونے پر سزا سنائی گئی ہے۔