سری لنکا کی کرکٹ ٹیم ٹرائنگولر سیریز کے لیے اسلام آباد پہنچ گئی

اسلام آباد : سری لنکا کی کرکٹ ٹیم کپتان چریتھ اسالنکا کی قیادت میں پاکستان پہنچ گئی، جہاں وہ ون ڈے اور ٹی ٹوئنٹی ٹرائنگولر سیریز میں حصہ لے گی۔

پاکستان اور سری لنکا کے درمیان تین ون ڈے انٹرنیشنل میچوں کی سیریز 11 سے 15 نومبر تک راولپنڈی کرکٹ سٹیڈیم میں کھیلی جائے گی۔ اس کے بعد تین ون ڈے میچز کے اختتام پر ٹی ٹوئنٹی ٹرائنگولر سیریز کا آغاز ہوگا۔

ٹی ٹوئنٹی ٹرائنگولر سیریز میں پاکستان، زمبابوے اور سری لنکا کی ٹیمیں مدمقابل ہوں گی۔ یہ سیریز راولپنڈی اور لاہور کے کرکٹ سٹیڈیمز میں 17 سے 29 نومبر تک کھیلی جائے گی۔

مقابلے کی تیاریوں کے لیے سری لنکا کی ٹیم پاکستان پہنچ چکی ہے اور دونوں ٹیموں کے درمیان سنسنی خیز کرکٹ کا سامنا متوقع ہے۔