اسلام آباد :سپریم کورٹ آف پاکستان نے 9 مئی 2023 کے واقعات سے متعلق مختلف مقدمات کی سماعت کے لیے تاریخیں مقرر کر دی ہیں۔
تفصیلات کے مطابق، پاکستان تحریک انصاف (پی ٹی آئی) کے رہنما عمر سرفراز چیمہ کی جسمانی ریمانڈ نہ دیے جانے کے خلاف اپیل پر سماعت 14 اپریل کو ہوگی۔ جبکہ پی ٹی آئی کے سینیٹر اعجاز چوہدری کی درخواست ضمانت اور سابق سپیکر قومی اسمبلی اسد قیصر کی ضمانت منسوخی سے متعلق اپیل 15 اپریل کو سماعت کے لیے مقرر کی گئی ہے۔
سپریم کورٹ کا تین رکنی بینچ، جس کی سربراہی چیف جسٹس یحییٰ آفریدی کر رہے ہیں، ان مقدمات کی سماعت کرے گا۔ عدالت ان دنوں پی ٹی آئی کے دیگر رہنماؤں اور کارکنان کی ضمانتوں کے خلاف اپیلوں پر بھی سماعت کرے گی۔
