اسلام آباد: احتساب عدالت نے مضاربہ سکینڈل کے تیسرے ریفرنس کا بھی فیصلہ سنا دیا ہے جس کے مطابق مجرم عبیداللہ کو سات سال قید اور 38 کروڑ جرمانے کی سزا سنائی گئی ہے ۔
تفصیلات کے مطابق مضاربہ سکینڈل کا فیصلہ احتساب عدالت کے جج ملک ارشد نے سنایا ، ملزم عبیداللہ پر عوام سے دھوکہ دہی اور فراڈ کا جرم ثابت ہو گیاہے جس کے باعث انہیں سات سال قید اور 38 کروڑ روپے جرمانے کی سزا سنائی گئی ہے جبکہ جرمانہ ادا نہ کرنے پرمزید چھ سال قید کاٹنا ہو گی ۔واضح رہے کہ نیب نے عبیداللہ کو مضاربہ سکینڈل کیس میں گرفتار کیا تھا ۔
