لاہور : عمران خان کے سابق چیف آف سٹاف اور انتہائی قریبی ساتھی شہباز گل سے پی ٹی آئی کی سینئر قیادت جان چھڑانے لگی ہے۔ شہباز گل جب سے گرفتار ہوئے ہیں پی ٹی آئی کی سینئر قیادت نے ان سے فاصلے بڑھا لیے ہیں۔
سوشل میڈیا پر وائرل ویڈیو کے مطابق گزشتہ روز لاہور ہائیکورٹ میں پی ٹی آئی کی درخواست کی سماعت کے بعد سیکرٹری جنرل اسد عمر اور ترجمان فواد چودھری میڈیا ٹاک کر رہے تھے۔ شہباز گل بھی ساتھ کھڑے تھے۔ اسد عمر اور فواد چودھری نے بات ختم کی تو شہباز گل نے بات کرنے لگے تو دونوں رہنما شہباز گل کوچھوڑ کر چلے گئے۔
کیا وجہ ہے پی ٹی آئی کے سیکرٹری جنرل اور پارٹی کےلوگ شہباز گل کو “own”کرنے کو تیار نہیں ہیں اگر کسی کے پیغام پے یہ سب ہو ریا ہے تو حقیقی آزادی کی تحریک کیسےآگے بڑھےگی؟
— Ali Tanoli (@alitanoli12) February 9, 2023
شہباز گل نےعمران خان کیلئےبیشمار قربانیاں دی ہیں کیا انکو عمران خان سے وفاداری کی سزادی جارہی ہے؟@PTIofficial pic.twitter.com/itojkFXOA1
شہباز گل کہتے رہے کہ سیکرٹری جنرل سیکرٹری جنرل لیکن اسد عمر اور فواد چودھری نے پیچھے مڑ کر بھی نہیں دیکھا۔ شہباز گل کچھ شرمندہ بھی ہوئے لیکن انہوں نے پھر میڈیا سے مختصر بات کی اور چلے گئے۔
قبل ازیں شہباز گل اپنی دھواں نیوز کانفرنس میں بھی کہہ چکے ہیں انہیں عمران خان سے دور کیا جارہا ہے۔ اور مجھ پر اچھا وقت آیا تو میں جو آستین کے سانپ ہیں انہیں عوام کے سامنے جوتے لگاؤں گا۔
