چین کے صدر شمالی کوریا کا دورہ مکمل کر کے بیجنگ واپس پہنچ گئے

بیجنگ: چین کے صدر شی جن پنگ شمالی کوریا کے سرکاری دورے کے بعد منگل کی دوپہر بیجنگ واپس پہنچ گئے۔

شنہوا کے مطابق صدر شی جن پنگ نے اپنے دورے کے دوران شمالی کوریا کی قیادت کے ساتھ دوطرفہ تعلقات اور باہمی تعاون سمیت مختلف امور پر تفصیلی تبادلہ خیال کیا۔

واپسی کے موقع پر صدر شی جن پنگ کے ہمراہ ان کی اہلیہ پنگ لی یوان بھی موجود تھیں۔ اس کے علاوہ کمیونسٹ پارٹی آف چائنا کی مرکزی کمیٹی کے پولیٹ بیورو کی اسٹینڈنگ کمیٹی کے رکن اور جنرل آفس کے ڈائریکٹر سائی چی اور وزیر خارجہ وانگ یی بھی اسی پرواز میں بیجنگ واپس پہنچے۔