احسن اقبال نے ٹک ٹاک کی بحالی کا مطالبہ کردیا

لاہور:پاکستان مسلم لیگ (ن) کے سینئر رہنما  احسن اقبال نے پاکستان میں ٹک ٹاک ایپ کی بحالی کا مطالبہ کردیا ہے۔

تفصیلات کے مطابق سماجی رابطے کی ویب سائٹ ٹوئٹر پر پیغا م جاری کرتے ہوئے سابق وفاقی وزیر داخلہ احسن اقبال نے کہا ہے کہ بھارت اور امریکہ نے چین کے خلاف  انتقامی کارروائی کے نتیجہ میں ٹک ٹاک پر پابندی عائد کی تھی۔لیکن عمران خان حکومت نے ٹک ٹاک پر پابندی کیوں عائد کی ہے؟ہم اس کارروائی کی مذمت کرتے ہیں اور اسکی بحالی کا مطالبہ کرتے ہیں۔

India and USA banned Chinese app TikTok as a sanction measure against China. Why has Imran Khan govt banned TikTok in Pakistan? We condemn this action & demand its restoration. @zlj517 @CathayPak

— Ahsan Iqbal (@betterpakistan) October 9, 2020

خیال رہے کہ گزشتہ روز پاکستان ٹیلی کمیونیکیشن اتھارٹی(پی ٹی اے) نے معروف چینی ویڈیو ایپ ٹک ٹاک پر غیر اخلاقی مواد کی روک تھام نہ کرنے پر پابندی عائد کردی تھی جو کہ ٹوئٹر پر اس وقت ٹاپ ٹرینڈ بن  چکی ہے۔