بھارتی اوپنرز کے چوکوں اور چھکوں کی برسات کے بعد بارش کی انٹری 

کولمبو : کولمبو میں جاری پاک بھارت میچ میں بارش کی انٹری کے بعد کھیل روک دیا گیا۔فیلڈ اور پچ کو ڈھانپ دیاگیا۔۔پاکستان  نے ٹاس جیت کر بھارت کو پہلے بیٹنگ کی دعوت دی۔

بھارت کےدونوں اوپنرز  نے قومی باؤلرز کے خلاف جارحانہ کھیل کا مظاہرہ کیا۔۔روہت شرما اور شبمن گل نے121رنز کی پارٹنر شپ قائم کی۔شبمن گل 58رنز بنا کر شاہین  شاہ کا شکار بنے۔روہت شرما کو شاداب خان نے آؤٹ کیا۔

بارش کی وجہ سے کھیل رکنے سے قبل  ویرات کوہلی 8 اور کے ایل راہول 17 رنز بناکر کریز پر موجود  تھے۔ 24.1 اوورز میں بھارت نے 147 رنز بنائے ہیں۔میچ بارش کی وجہ سے فی الحال رکا  ہوا ہے۔اگر آج میچ نہ ہوا تو کل جہاں میچ رکا ہے ادھر سے ہی شروع ہوگا۔