امریکی وزیر خارجہ کا سعودی ہم منصب سے رابطہ، ایرانی حملوں پر تبادلہ خیال

واشنگٹن: امریکا کے وزیر خارجہ مارکو روبیو نے سعودی عرب کے وزیر خارجہ شہزادہ فیصل بن فرحان السعود سے ٹیلی فون پر بات کی اور ایران کے حالیہ حملوں پر تبادلہ خیال کیا۔

امریکی محکمہ خارجہ کے مطابق، روبیو نے ایرانی حملوں کی مذمت کی اور دونوں وزرائے خارجہ نے اس بات پر غور کیا کہ ان حملوں کے دوران سعودی عرب کے دفاع کو کس طرح مضبوط بنایا جائے۔

اس سے قبل سعودی شہر الخرج میں ایک رہائشی علاقے پر پروجیکٹائل گرنے سے 2 افراد ہلاک ہو گئے تھے۔ ایران کی اسلامی انقلابی گارڈز نے دعویٰ کیا تھا کہ وہ الخرج میں امریکی ریڈار سسٹمز کو نشانہ بنا رہے ہیں، جو پرنس سلطان ایئر بیس میں واقع ہیں اور امریکی فوج کے لیے استعمال ہوتے ہیں۔