ریاض:سعودی عرب نے ریاض میں پہلے کالج آف آرٹس کا افتتاح کر دیا۔سعودی وزارت ثقافت اور کنگ سعود یونیورسٹی کے باہمی اشتراک سے یہ سب ممکن ہوا ہے۔ یہ سعودی وژن2030 کابھی نتیجہ ہے کہ ریاست میں ثقافت، تعلیم کو فروغ دینے کے اقدامات کیےجارہے ہیں۔
اس بارے میں نائب وزیر ثقافت حمید فیاض کاکہنا ہے کہ اس کالج کی مدد سے ثقافت کو فروغ دیاجائے گا اور اس کےساھ لوگوں میں آگہی آئے گی ۔ یہ مملکت میں تعلیم کے حوالے سے ایک اہم سنگ میل ہے۔
نائب وزیر ثقافت حمید فیاض نے اس بات پر بھی روشنی ڈالی کہ یہ کالج ثقافتی شعبے میں ہنر مندوں کی ضرورت کو پورا کرنے میں اہم کردار ادا کرے گا اور قومی ثقافتی ترقی میں اپنا کردار ادا کرے گا۔ یہ اقدام ایک سٹریٹجک تعاون کی نمائندگی کرتا ہے جس کا مقصد ثقافتی شعبوں میں اعلیٰ تعلیم کو بڑھانا اور ثقافتی اور تعلیمی خوشحالی کے لیے مملکت کے وژن کی حمایت کرنا ہے۔
ڈیزائن، پرفارمنگ آرٹس اور بصری فنون میں کالج کے محکموں کا مقصد خصوصی تعلیمی پروگرام فراہم کرنا اور تحقیق اور اختراع کو فروغ دینا ہے۔
ثقافت کی وزارت اور کنگ سعود یونیورسٹی کے درمیان تعاون ثقافتی اور فنکارانہ شعبوں میں تعلیمی راستے قائم کرنے کی ایک وسیع کوشش کا حصہ ہے، جو کہ قابل پیشہ ور افراد کے شعبے کی مانگ کو پورا کرنے اور ثقافتی پیشوں میں قومی قیادت کو فروغ دینے کے لیے ہے۔
