بیرسٹر سیف کو پی ٹی آئی خیبرپختونخوا کے جنرل سیکرٹری اطلاعات کے عہدے سے ہٹایا گیا

پشاور:  پی ٹی آئی خیبرپختونخوا کے جنرل سیکرٹری اطلاعات بیرسٹر سیف کو عہدے سے ہٹا دیا گیا ہے۔

صوبائی صدارت سنبھالنے کے بعد جنید اکبر کی جانب سے پارٹی سطح پر عہدوں میں ردوبدل کا عمل جاری ہے۔

ایک اعلامیے کے مطابق جنید اکبر نے پارٹی کے صوبائی جنرل سیکرٹری اطلاعات کا عہدہ ملک عدیل اقبال کو سونپ دیا ہے، جبکہ پی ٹی آئی خیبرپختونخوا کے ڈپٹی سیکرٹری کے عہدے کی ذمہ داری ذیشان ایڈووکیٹ کو تفویض کی گئی ہے۔

دونوں عہدوں پر تعیناتی کا اعلامیہ بھی جاری کر دیا گیا ہے۔