راولپنڈی: آرمی چیف جنرل قمر جاوید باجوہ نے شہدا کی ماؤں کو خراج عقیدت پیش کیا۔
تفصیلات کے مطابق آرمی چیف جنرل قمر جاوید باجوہ نے کہا کہ میں ان ماؤں کو سلام پیش کرتا ہوں جن کی قربانی کی بدولت ہم آج اس مقام تک پہنچے ہیں۔انہوں نے کہا کہ جب تک وطن پر بیٹے قربان کرنے کا حوصلہ رکھنے والی مائیں موجود ہیں، اس ملک کو کوئی شکست نہیں دے سکتا۔پاک فوج کے شعبہ تعلقات عامہ (آئی ایس پی آر) کے ڈی جی میجر جنرل آصف غفور نے شہدا کی بہادر ماؤں کو خراج تحسین پیش کیا۔
84610186cb5899bc23ffc8f3a973cc02
میجر جنرل آصف غفور نے سماجی رابطہ کی ویب سائٹ ٹوئٹر پر کہا کہ ماں صرف مادی رشتے کا نام نہیں بلکہ پیار،خیال، حفاظت اور بے لوث ہونے جیسے لافانی احساسات کا نام ہے۔ماں صرف ایک مادی رشتے کا نام نہیں۔ اگر ایسا ہوتا تو ان کے جانے سے یہ رشتہ ختم ہو جاتا۔ ماں نام ہے پیار، خیال، حفاظت اور بے لوث ہونے جیسے لافانی احساسات کا۔ تمام ماؤں، بالخصوص ہمارے بہادر شہدا کی بہادر ماؤں کو سلام۔#ماں_تجھے_سلام۔
88058438e4ab269a4b4acaef8eee2c23
آج ملک بھر میں ماؤں کا عالمی دن منایا جا رہا ہے۔ مشہور سماجی شخصیت این ریوس جاروس کے انتقال کے بعد اس کی بیٹی اینا جاروس نے اپنی ماں کو خراج تحسین پیش کرنے کے لیے 1908 میں دنیا کا پہلا باقاعدہ مدر ڈے منایا۔اینا جاروس کی مدرز ڈے کو قومی سطح پر منائے جانے کی کوششوں کو 1914 میں کامیابی ملی تھی جب امریکی صدر ووڈ را ولسن نے ہرسال مئی کے دوسرے اتوار کو ماؤں کے نام کرنے کا اعلان کیا۔
