روم: شیر سرکس سے فرار ہوکر سڑکوں پر آگیا ، شہری خوفزدہ ہوگئے۔شیر سرکس کا ہویا جنگل کا وہ بادشاہ ہی ہوتاہے۔ سرکس کے شیر نے فرار ہوکر سڑکوں پرآکر شہریوں کو خوفزدہ کردیا۔ روم کی سڑکوں پر ایک شیر سرکس سے فرار ہوگیا ، شیر کی سڑکوں پر مٹر گشت کرتے ہوئے ویڈیو وائرل ہوگئی ۔
روم کے قریب ایک قصبے کی گلیوں میں آزادانہ طور پر گھومنے والے شیر نے سرکس سے فرار ہونے کے بعد مکینوں میں خوف و ہراس پھیلا دیا۔سوشل میڈیا پر شیر کی شیئر کی گئی چونکا دینے والی فوٹیج میں اسے چھوٹے شہر کی گلیوں میں گھومتے ہوئے دکھایا گیا، جس کی آبادی صرف 40,000 سے زیادہ ہے۔ رہائشیوں کو اپنے گھروں کے اندر رہنے کا حکم دیا گیا کیونکہ حکام نے اس جانور کو تلاش کرنے کی کوشش کی۔
لاڈیسپولی کے میئر الیسنڈرو گرانڈو نے سوشل میڈیا پر کہا کہ مقامی پولیس سرکس کے عملے کے ساتھ مل کر شیر کی تلاش کرنےمیں مدد کر رہی ہے۔
