اسلام آباد: ٹک ٹاکر حریم شاہ نے آج (منگل) دوپہر 2 بجے پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف کی ویڈیو جاری کرنے کا عندیہ دے دیا۔
حریم شاہ نے سماجی رابطے کی ویب سائٹ ایکس پر ایک پوسٹ میں کہا کہ پاک بھارت ایشیا کپ 2023 کے میچ میں پاکستان کی مایوس کن کارکردگی پر پاکستان کرکٹ بورڈ منیجمنٹ کمیٹی کے چیئر مین ذکا اشرف کا ایک ویڈیو جاری کلپ جاری کیا جائے گا۔
ٹیم پاکستان کی بری کارکردگی پر کل دوپہر 2 بجے چئیرمین پی سی بی زکا اشرف کی وڈیو جاری کروں گی#INDvsPAK pic.twitter.com/UFXrc4k4SU
— Hareem Shah (@_Hareem_Shah) September 11, 2023
ٹک ٹاکر حریم شاہ کی جانب سے یہ پوسٹ کولمبو کے آر پریماداسا اسٹیڈیم میں ہونے والے ایشیا کپ کے سپر فور مرحلے میں بھارت کے خلاف پاکستان کی اہم شکست کے بعد کی گئی۔
واضح رہے کہ ایشیا کپ کے سپر فور مرحلےمیں بھارت نے پاکستان کو 228 رنز سے شکست دے دی۔ پاکستان کی ٹیم 357 رنز کے ہدف کے جواب میں صرف 128 رنز بناکر آؤٹ ہوگئی۔
