ویسٹ انڈیز نے پاکستان کو 34 سال بعد ون ڈے سیریز میں شکست دے دی

ٹرینیڈاڈ: پاکستان کرکٹ ٹیم کو 34 سال بعد ون ڈے سیریز میں ویسٹ انڈیز کے ہاتھوں عبرتناک شکست کا سامنا کرنا پڑا، جب تیسرے اور فیصلہ کن میچ میں میزبان ٹیم نے پاکستان کو 202 رنز سے ہرا کر سیریز 1-2 سے اپنے نام کی۔

ٹرینیڈاڈ کے برائن لارا کرکٹ سٹیڈیم میں کھیلے گئے میچ میں پاکستان کے کپتان محمد رضوان نے ویسٹ انڈیز کے کپتان شائے ہوپ کو بیٹنگ کی دعوت دی۔ ویسٹ انڈیز نے 50 اوورز میں 6 وکٹوں کے نقصان پر 294 رنز بنائے، جس میں شائے ہوپ کی شاندار اننگز 120 رنز کی ناقابل شکست اننگز شامل تھی۔ جسٹن گریوز نے بھی 24 گیندوں پر 43 رنز بنائے۔

پاکستان کی باؤلنگ میں نسیم شاہ، ابرار احمد، محمد نواز اور صائم ایوب نے ایک، ایک وکٹ حاصل کی۔

295 رنز کے ہدف کے تعاقب میں پاکستان کی بیٹنگ لائن مکمل طور پر فلاپ ہو گئی اور 92 رنز پر ہی ڈھیر ہوگئی۔ پاکستان کے اہم کھلاڑی جیسے بابر اعظم، محمد رضوان، عبداللہ شفیق اور صائم ایوب بغیر کسی اسٹرائیک کے پویلین واپس لوٹ گئے۔ سلمان علی آغا اور محمد نواز نے 30 اور 23 رنز بنائے، لیکن یہ بھی پاکستان کی ناکامی کو روکنے کے لیے ناکافی ثابت ہوئے۔

ویسٹ انڈیز کے باؤلر جیڈن سلز نے 6 وکٹوں کے ساتھ پاکستان کی بیٹنگ لائن کو تہس نہس کر دیا، جبکہ گداکیش موتی اور روسٹن چیز نے 2 اور 1 وکٹ حاصل کی۔

ویسٹ انڈیز کے کپتان شائے ہوپ میچ کے بہترین کھلاڑی قرار پائے، جبکہ جیڈن سلز کو سیریز کا بہترین کھلاڑی منتخب کیا گیا۔