واٹس ایپ میں بڑی تبدیلی، سیٹنگز پیج پر اب کور فوٹو کی سہولت

کیلیفورنیا: واٹس ایپ اپنے سیٹنگز پیج کو نئے انداز میں ری ڈیزائن کر رہا ہے اور اب صارفین کے لیے کور فوٹو کا فیچر بھی متعارف کروایا جا رہا ہے۔ یہ تبدیلی اس وقت آئی او ایس ڈیوائسز کے بیٹا ورژن میں دیکھی گئی ہے۔

رپورٹ کے مطابق، کور فوٹو اسکرین کے اوپر نظر آئے گا، جس سے پروفائل سیکشن زیادہ جدید اور صاف ستھرا دکھائی دے گا۔ پروفائل فوٹو اب اوپر مرکز میں ہوگا اور اس کے اوپر کور فوٹو دکھائی دے گا۔

واٹس ایپ میں سیٹنگز لیبل کو بھی “You” سے بدل دیا جائے گا، تاکہ صارف آسانی سے دیکھ سکے کہ کون سا اکاؤنٹ فعال ہے، خاص طور پر اگر وہ ایک سے زیادہ اکاؤنٹس استعمال کر رہا ہو۔

یہ فیچر فی الحال بیٹا ورژن میں محدود صارفین کے لیے دستیاب ہے، جبکہ آنے والے ہفتوں میں اسے زیادہ صارفین کے لیے بھی کھولا جائے گا۔