اسلام آباد:پاکستان کی ابتر معاشی صورتحال کو سہارا دینے کےلئے سعودی عرب میدان میں آگیا ہے اور پاکستان کی تاریخ کی اب تک کی سب سے بڑی سرمایہ کاری کرنے کا اعلان کردیا ۔
سعودی وزیر پیٹرولیم شہزادہ خالد بن عبدالعزیز نے کہا ہے کہ سعودیہ عرب پاکستان میں سب سے بڑی سرمایہ کاری کرے گا، پاکستان اور سعودی عرب خطے کے لیے اہمیت کے حامل ممالک ہیں۔
c7a9f5b62ee5dbf2322ca73733f65392
تفصیلات کے مطابق سعودی وزیر توانائی خالد الفا لح نے گوادرپورٹ کا دورہ کیا اورپورٹ کے ذمہ داران سے ملاقات کی۔دستیاب سرمایہ کاری کے مواقع اور مستقبل کے مطلوبہ منصوبوں کا جائزہ لیا۔
e197ea175707ad6929c913c6238e5e90
قبل ازیں ایئرپورٹ پر وفاقی وزیر پٹرولیم غلام سرورخان اور وزیر برائے پورٹ اینڈ شپنگ علی زیدی نے استقبال کیا۔ جی پی اے چیئرمین دوستین خان جمالدینی اور جی ڈی اے کے ڈی جی ڈاکٹر سجاد بلوچ نے وفد کو گوادر پورٹ اور ترقیاتی کاموں کے حوالے سے بریفنگ دی۔اس موقع پر سعودی وزیر توانائی خالد الفالح نے کہا کہ سعودی عرب پاکستان میں تاریخ کی سب سے بڑی سرمایہ کاری کرے گا۔
پاکستان اور سعودی عرب خطے کے امن اور استحقام کیلئے اہمیت کے حامل ممالک ہیں۔ انہوں نے کہا کہ گوادر پورٹ اہم خطے میں واقع ہے۔پاکستان ، چین اور سعودی عرب کی دوستی اور باہمی اشتراک عالمی مثال ہوگا۔
وفاقی وزیر پٹرولیم غلام سرور خان نے کہا کہ سعودی عرب کی شمولیت سے سی پیک منصوبے کی اہمیت مزید بڑھ جائے گی۔پاکستان میں ایگریکلچر کے شعبے میں سرمایہ کاری کرنے کے وسیع مواقع موجود ہیں۔
انہوں نے کہا کہ سعودی عرب کو پاکستان میں زرعی شعبے میں سرمایہ کاری کرنے کی دعوت دیتے ہیں۔وفاقی وزیرنے کہا کہ پاکستان اور سعودی عرب گوادر میں آئل سٹی کے قیام کے لئے اگلے ماہ معاہدے پر دستخط کریں گے۔
