صدر مملکت اور وزیراعظم کی ملاقات؛ اسلام آباد میں ہونے والے پاک ،ایران مذاکرات پر تبادلہ خیال

اسلام آباد : صدر مملکت آصف علی زرداری سے وزیراعظم شہباز شریف نے ملاقات کی، جس میں ملک کی مجموعی سیاسی صورتحال اور امن و امان کے حوالے سے اہم مشاورت کی گئی۔
اہم سفارتی پیشرفت پر بریفنگ وزیراعظم شہباز شریف نے صدر مملکت کو اسلام آباد میں ہونے والے امریکا اور ایران کے درمیان حالیہ مذاکرات کے حوالے سے تفصیلات سے آگاہ کیا اور اس ضمن میں پاکستان کے سفارتی کردار پر بریفنگ دی۔ وزیراعظم کا کہنا تھا کہ پاکستان خطے میں کشیدگی کے خاتمے اور امن و استحکام کے لیے اپنا مثبت کردار ادا کر رہا ہے۔
صدر مملکت کا حکومتی اقدامات پر اطمینان صدر آصف علی زرداری نے خطے میں امن کے قیام کے لیے وزیراعظم شہباز شریف اور حکومت کی سفارتی کوششوں کو سراہا۔ انہوں نے کہا کہ بین الاقوامی سطح پر مذاکرات کی میزبانی کرنا اور علاقائی استحکام کے لیے کام کرنا خوش آئند ہے، جو پاکستان کے وقار میں اضافے کا باعث بنے گا۔
داخلی صورتحال پر مشاورت ملاقات کے دوران دونوں رہنماؤں نے ملک کی داخلی سیاسی صورتحال اور امن و امان کی صورتحال پر بھی تفصیلی گفتگو کی۔ اس بات پر اتفاق کیا گیا کہ ملکی ترقی کے لیے سیاسی استحکام اور مضبوط امن و امان ناگزیر ہے۔