چیئرمین جوائنٹ چیفس آف سٹاف کمیٹی اور سروسز چیفس کی جانب سے قوم کو یوم آزادی پر مبارکباد

اسلام آباد : پاک فوج نے یوم آزادی کے موقع پر اپنی بھرپور آمادگی اور عزم کا اظہار کیا ہے، اور کہا ہے کہ پاکستان کی خودمختاری اور سالمیت کا ہر قیمت پر تحفظ کیا جائے گا۔ چیئرمین جوائنٹ چیفس آف سٹاف کمیٹی اور سروسز چیفس کی جانب سے قوم کو یوم آزادی پر مبارکباد دی گئی، جس میں انہوں نے یہ عہد کیا کہ مسلح افواج وطن کے دفاع کے لیے ہمہ وقت تیار ہیں۔

آئی ایس پی آر کے مطابق، پاک فوج کے سربراہان نے کہا کہ ارض پاک کی حفاظت کے لیے کسی بھی قربانی سے گریز نہیں کیا جائے گا۔ انہوں نے کہا کہ مسلح افواج اور قوم کے درمیان یہ مضبوط رشتہ ہماری اجتماعی طاقت کی بنیاد ہے، اور ہم ایک خوشحال، ترقی یافتہ اور مضبوط پاکستان کے خواب کو حقیقت میں بدلیں گے۔ یہ دن ہماری یکجہتی اور روشن مستقبل کی علامت ہے۔

پاک فوج کے سربراہان نے مزید کہا کہ وہ بانیان پاکستان کی قربانیوں کو خراج عقیدت پیش کرتے ہیں، جن کی محنت اور قربانیوں کی بدولت ہمیں آزادی حاصل ہوئی۔