لاہور: مسلم لیگ (ن) کی نائب صدر مریم نواز نے وزیراعظم پر تنقید کرتے ہوئے کہا کہ صادق اور امین کی جعلی سند رکھنے والے سلیکٹڈ نے اپنا جرم مان لیا ہے۔
انہوں نے فارن فنڈنگ کیس کے حوالے سے اپنی ٹویٹ میں لکھا کہ صادق اور امین کی جعلی سند رکھنے والے نے اپنے جرم کو آخر کار مان لیا ہے اور خود ہی کہا ہے کہ واردات میں نے نہیں بلکہ میرے مقرر کردہ ایجنٹوں نے کی ہے۔
صادق اور امین کی جعلی سند رکھنے والے سلیکٹڈ نے اپنا جرم مان لیا۔ کہتا ہے واردات میں نے نہیں میرے مقرر کردہ ایجنٹوں نے کی ہے۔ (فوج جانتی ہے کہ) سات سالوں سے کھٹائی میں پڑی اس شرمناک واردات کا فیصلہ ہوگیا ہے۔ اب تحریری فیصلہ باقی ہے۔ 19 جنوری کو حساب مانگنے آ رہے ہیں انشاءاللّہ pic.twitter.com/6n324nkIes
— Maryam Nawaz Sharif (@MaryamNSharif) January 14, 2021
مریم نواز نے کہا کہ سات سالوں سے کھٹائی میں پڑی اس شرمناک واردات کا فیصلہ ہو گیا ہے اور اب تحریری فیصلہ باقی ہے لیکن کٹھ پتلی سے 19 جنوری کو حساب مانگنے آ رہے ہیں۔
خیال رہے کہ اپوزیشن جماعتوں کے اتحاد پاکستان ڈیموکریٹک موومنٹ نے 19 جنوری کو الیکشن کمیشن آف پاکستان کے سامنے احتجاج کرنے کا اعلان کر رکھا ہے۔
پی ڈی ایم کے سربراہ مولانا فضل الرحمان نے وزیراعظم عمران خان سے 31 جنوری تک مستعفی ہونے کا بھی مطالبہ کیا ہے اور ایسا نہ کرنے کی صورت میں اسلام آباد کی طرف لانگ مارچ کرنے کا اعلان کیا ہے۔