اسلام آباد: وزیر اعظم عمران خان نے وزیراعلیٰ، اسپیکر، ڈپٹی اسپیکر، صوبائی وزرا اور ارکان پنجاب اسمبلی کی تنخواہوں اور مراعات میں اضافے پر شدید برہمی کا اظہار کیا ہے۔
سماجی رابطے کی ویب سائیٹ ٹوئٹر پر اظہار خیال کرتے ہوئے وزیراعظم نے کہا کہ میں پنجاب اسمبلی کی جانب سے وزیر اعلی، وزراء اور ارکان اسمبلی کی تنخواہوں اور مراعات میں اضافے کے فیصلے سے بہت مایوس ہوا ہوں۔ اس طرح کے فیصلوں کا کوئی دفاع نہیں کیا جا سکتا۔ عوام کو بنیادی ضرورتوں کی فراہمی تک فیصلہ نامناسب ہے اور ملک میں خوشحالی ہو تو اس طرح کے فیصلوں کا جواز بھی بنتا ہے۔
I am extremely disappointed by decision of Punjab Assembly to raise pays & privileges of MPAs, Ministers & esp CM. Once prosperity returns to Pak such a move cld be justified, but now, when we do not have resources to provide basic amenities to all our people, this is untenable
— Imran Khan (@ImranKhanPTI) March 14, 2019
خیال رہے کہ گزشتہ روز پنجاب اسمبلی نے ارکان اسمبلی کی تنخواہوں میں اضافے کا بل منظور کیا تھا جس کے تحت اراکین اسمبلی کی تنخواہ اور مراعات 83 ہزار ماہانہ سے بڑھا کر 2 لاکھ روپے تک کر دی گئی جس کے بعد وزیر اعلیٰ پنجاب کی تنخواہ اور مراعات وزیر اعظم سے بھی زیادہ ہو گئی ہے۔