روس ایران کو موجودہ جنگی صورتحال میں انسانی امداد پہنچانے والا پہلا ملک بن گیا

ماسکو: روس نے حالیہ تنازعات کے دوران ایران کو ہنگامی طبی امداد فراہم کرنے والا پہلا ملک بن کر اہم قدم اٹھایا ہے۔

کینیا میں روسی سفارت خانے کی جانب سے جاری کیے گئے بیان کے مطابق، روس کا Il-76 کارگو طیارہ 13 ٹن سے زائد طبی ساز و سامان لے کر آذربائیجان پہنچا، جہاں سے یہ سامان ایرانی حکام تک منتقل کیا جائے گا۔

????#Russia becomes the first country to send humanitarian aid to #Iran
An Il-76 aircraft delivered more than 13 tons of medical supplies to Azerbaijan which will assist in transferring it to the Iranian authorities. pic.twitter.com/xKRrf6r6ZB

— Russian Embassy in Kenya/Посольство России в Кении (@russembkenya) March 14, 2026

روس کی وزارت ہنگامی حالات کے مطابق یہ امدادی پیکج ادویات اور دیگر طبی ضروریات پر مشتمل ہے اور آذربائیجان سے یہ سامان ٹرکوں کے ذریعے زمینی راستے سے ایران بھیجا جائے گا۔

یہ اقدام اس وقت سامنے آیا ہے جب خطے میں کشیدگی بڑھ رہی ہے اور انسانی امداد کی ضرورت تیزی سے محسوس کی جا رہی ہے۔ وزارت ہنگامی حالات نے مزید کہا کہ اس امداد کو روسی صدر ولادی میر پیوٹن کی ہدایت پر بھیجا گیا ہے۔