کراچی: پاکستان شوبز انڈسٹری کی اداکارہ اشنا شاہ نے معصوم فلسطینیوں کی نسل کشی پر خاموش رہنے پر مشہور شخصیات کے بائیکاٹ کا مطالبہ کردیا۔
سماجی رابطے کی ویب سائٹ ایکس پر اداکارہ اشنا شاہ نے کہا کہ آج سے ان تمام مشہور شخصیات کا بائیکاٹ کریں جو کہ معصوم فلسطینیوں کے حق میں آواز نہیں اٹھا رہے، و اسرائیل کی دہشتگردی کے خلاف خاموش ہیں۔انہوں نے کہا کہ بائیکاٹ کا آغاز ہالی ووڈ کے اداکاروں اور اسٹارز سے کرتے ہیں۔
اشنا شاہ نے ہالی ووڈ کے اداکاروں اور اسٹارز کی ایک لمبی فہرست شیئر کرتے ہوئے کہا کہ آپ ان کی طاقت ہیں، عوام کی وجہ سے یہ لوگ مشہور ہیں۔
f53cdf1ac5d86d17554537914465ed24
اشنا شاہ نے اپنی ایکس پوسٹ میں صارفین سے مخاطب ہوتے ہوئے کہا کہ میں نے جو فہرست پوسٹ کی ہے اس میں موجود تمام ہالی ووڈ سٹارز کو سوشل میڈیا سے ان فالو کریں اور یہ عہد کریں کہ آپ ان کی کوئی فلم نہیں دیکھیں گے، نہ ان کے گانے سنیں گے اور نہ ہی ان کی فلم، گانے پر کوئی پیسےلگائیں گے۔
اداکارہ نے کہا کہ فہرست میں کچھ نام ایسے ہیں جنہیں آپ پہچانتے ہوں گے جبکہ کچھ کے بارے میں آپ کو معلوم نہیں ہوگا لیکن آپ مکمل فہرست دیکھیں۔
b6026af0c0232af5557dc87f23b6e458
شوبز انڈسٹری کی اداکارہ اشنا شاہ نے مداحوں کو مخاطب کرتے ہوئے اس بات پر زور دیا کہ آپ کے اس اقدام سے بہت فرق پڑے گا۔
