انقرہ:ارطغرل غازی کے چاہنے والوں کیلئے اب تک کی بڑی خبر آگئی،شہرہ آفاق سیریز کے پروڈیوسر نے اور ایک تاریخی سیریز جلد نشر کرنے کا اعلان کردیا۔
تفصیلات کے مطابق شہرہ آفاق ترکش سیریز ارطغرل غازی کی مقبولیت کے بعد پروڈیوسر مہمت بوزداگ کی جانب سے ایک اور تاریخی سیریز جلد نشر کرنے کا اعلان کیا گیا ہے۔
ارطغرل غازی کے پروڈیوسر اور سکرین رائٹر مہمت بوزداگ نے حال ہی میں اعلان کیا ہے کہ وہ ایک اور تاریخی سیریز پر کام کر رہے ہیں جس کی عکس بندی تقریباً مکمل ہوچکی ہے اور یہ جنوری 2021 میں ترکی میں نشر کی جائے گی۔
Mendirman Celaleddin İlk Tanıtımı
— Mehmet Bozdağ (@mmehmetbozdag) October 13, 2020
Çıktığımız bu uzun ve zorlu yolculukta yol arkadaşımız ve ağabeyimiz Ozodbek Nazarbekov'a, bizleri asla yalnız bırakmayan Saida Mirziyoyeva'ya teşekkür eder, “Mendirman Celaleddin” projemizin ilk tanıtımını sizlerle paylaşmaktan onur duyarım. pic.twitter.com/7osUVN6v24
مہمت بوزداگ کی تاریخ پر مبنی نئی سیریز خوارزمین سلطنت کے حکمران جلال الدین خوارزمشاہ کی زندگی پر مبنی ہوگی جنہوں نے منگول حملے کے خلاف ایک جدوجہد کا آغاز کیا تھا۔
ارطغرل غازی کے پروڈیوسر مہمت بوزداگ نے اپنی نئی سیریز کے حوالے سے کہا کہ یہ دنیا بھر میں ایک نمایاں اثر پیدا کرے گی۔
انہوں نے مزید بتایا کہ ہم نے اس پروجیکٹ پر کام 2 سال قبل ازبکستان حکومت کی جانب سے سیریز کے لیے دی گئی درخواست کی منظوری کے بعد شروع کیا تھا۔
خیال رہے کہ ترکش سیریز ارطغرل غازی کو پاکستان سمیت دنیا بھر میں بے حد پزیرائی ملی ہے۔ارطغرل غازی میں مرکزی کردار ادا کرنے والے ارطغرل کی بہادری، مضبوط ایمان، حوصلہ، سب لوگوں کی مخالفت کے باوجود اپنے مقصد پر کھڑے رہنا جیسی خوبیوں نے پاکستانیوں کو اپنا گرویدہ بنایا ہوا ہے۔
ان دنوں مہمت بوزداگ کا ہی پروڈیوس کیا ہوا سیریز کورولش عثمان کا دوسرا سیزن نشر کیا جا رہاہے جسے پاکستان میں کافی پذیرائی مل رہی ہے ۔
