افغانستان کی کرکٹ ٹیم ٹی 20 ورلڈکپ میں شرکت کیلئے دبئی پہنچ گئی

دبئی: افغانستان کی کرکٹ ٹیم انٹرنیشنل کرکٹ کونسل (آئی سی سی) ٹی 20 ورلڈ کپ میں شرکت کیلئے دبئی پہنچ گئی ہے جو میگا ایونٹ کے اپنے سفر کا آغاز جنوبی افریقہ کے خلاف وارم اپ میچ سے کرے گی۔ 
میڈیا رپورٹس کے مطابق افغانستان کرکٹ ٹیم نے دبئی پہنچنے سے قبل دوحہ میں 6 روز قیام کے دوران قرنطینہ اختیار کیا اور اس دوران ٹریننگ بھی کی۔ افغان کرکٹ ٹیم ورلڈ کپ میں اپنے سفر کا آغاز 18 اکتوبر کو جنوبی افریقہ کے خلاف وارم اپ میچ سے کرے گی۔ 

Afghanistan National Team reached safely to UAE to participate in the upcoming mega event of #T20WorldCup2021 pic.twitter.com/qXoJTy3tTk

— Afghanistan Cricket Board (@ACBofficials) October 14, 2021

واضح رہے کہ حال ہی میں زمبابوے کرکٹ ٹیم کے سابق کپتان اینڈی فلاور کو افغانستان کرکٹ ٹیم کا کنسلٹنٹ مقرر کیا گیا جنہوں نے افغانستان ٹیم کے سیکیور ببل کو جوائن کر کے اپنی تجربات شیئر کرتے ہوئے ٹی 20 ورلڈکپ کی تیاریوں میں بھرپور کردار ادا کیا۔ 
افغانستان کرکٹ بورڈ (اے سی بی) کے چیئرمین کا کہنا تھا کہ اینڈ فلاور کے تجربے کا ٹیم کو فائدہ ہو گا، وہ ہمارے متعدد کھلاڑیوں کے ساتھ مختلف فرنچائز میں کوچنگ کے فرائض سر انجام دے چکے ہیں۔ واضح رہے کہ اینڈی فلاور 2009ءسے 2014ءتک انگلینڈ کرکٹ ٹیم کے بھی کوچ رہ چکے ہیں۔