پشاور: جمعیت علماء اسلام (ف) کے سربراہ مولانا فضل الرحمان کی جان کو خطرہ لاحق ہونے کے پیش نظر پولیس نے تھریٹ لیٹر جاری کر دیا ہے۔ پولیس کے جاری کردہ مراسلے میں کہا گیا ہے کہ مولانا فضل الرحمان کو دہشتگرد تنظیموں کی جانب سے مذہبی اور سیاسی سرگرمیوں میں ملوث ہونے کی وجہ سے نشانہ بنایا جا سکتا ہے۔
ذرائع کا کہنا ہے کہ ڈی آئی خان پولیس نے مولانا فضل الرحمان اور ان کی جماعت کو ہدایت دی ہے کہ وہ اپنی نقل و حرکت کو محدود رکھیں اور سکیورٹی انتظامات کو بہتر بنائیں۔ پولیس نے مولانا فضل الرحمان کو احتیاطی تدابیر اختیار کرنے کی ہدایت کرتے ہوئے کہا کہ کسی بھی غیر معمولی صورتحال میں فوری طور پر متعلقہ حکام کو آگاہ کیا جائے۔
