نیوزی لینڈ کے فاسٹ بولر لوکی فرگوسن ٹی ٹوئنٹی ورلڈ کپ چھوڑ کر وطن واپس روانہ

کولمبو : نیوزی لینڈ کے اہم فاسٹ بولر لوکی فرگوسن نے اچانک ٹی ٹوئنٹی ورلڈ کپ 2026 کا باقی حصہ چھوڑنے کا فیصلہ کیا اور وطن واپس روانہ ہوگئے۔ فرگوسن اپنی ٹیم کے آخری گروپ میچ میں کینیڈا کے خلاف شرکت نہیں کر پائیں گے۔

فاسٹ بولر کو اپنی اہلیہ ایما کے ساتھ اپنے پہلے بچے کی پیدائش کی وجہ سے رخصت دی گئی ہے۔ وہ اس اہم لمحے پر اپنے گھر موجود رہنے کے لیے واپس جا رہے ہیں۔ نیوزی لینڈ کے کوچ روب والٹر نے کہا کہ یہ فرگوسن اور ان کی اہلیہ کے لیے بہت اہم لمحے ہیں اور ہم خوش ہیں کہ وہ اس موقع پر اپنے گھر کے قریب ہوں گے۔

والٹر نے امید ظاہر کی کہ فرگوسن سپر 8 مرحلے سے پہلے واپس آ جائیں گے۔ ان کی غیر موجودگی میں کائل جیمنسن کو ان کی جگہ موقع ملنے کا امکان ہے۔