لاہور: وزیر اعظم کے معاون خصوصی شہبازگل نے اپنے اوپر سیاہی پھینکنے اور انڈے مارنے والوں کو معاف کرتے ہوئے کہا ہے کہ کل عدالت میں لیگی قیادت کی ایماءپرمجھ پرحملہ کیا گیا، اخلاق سے گرے لوگ غریب دیہاڑی دار افراد خصوصاً خواتین کو استعمال کر رہے ہیں۔
تفصیلات کے مطابق شہباز گل نے کہا کہ میں کسی غریب اور نا سمجھ کو جیل میں نہیں دیکھنا چاہتا کیونکہ اخلاق سے گرے لوگ غریب دیہاڑی دار افراد خصوصاً خواتین کا استعمال کر رہے ہیں اس لئے میں حملہ کرنے والوں کو معاف کرتا ہوں اور پولیس سے گزارش کرتا ہوں کہ ان کے ساتھ کوئی برا سلوک نہ کیا جائے۔
کل عدالت میں لیگی قیادت کی ایماء پرمجھ پرحملہ کیا گیا. اخلاق سے گرے لوگ غریب دیہاڑی دار افراد خصوصاً خواتین کا استعمال کر رہے ہیں۔میں حملہ کرنے والوں کو معاف کرتا ہوں-میں کسی غریب اور نا سمجھ کو جیل میں نہیں دیکھنا چاہتا۔پولیس سے گذارش ہے کہ ان کے ساتھ کوئی برا سلوک نہ کیا جائے
— Dr. Shahbaz GiLL (@SHABAZGIL) March 16, 2021
دوسری جانب لاہور ہائیکورٹ نے بھی معاملے کا نوٹس لے لیا ہے اور جسٹس ملک شہزاد احمد نے سی سی ٹی وی فوٹیج سے حملہ آوروں کی شناخت کر کے ذمہ داروں کے خلاف کارروائی کا حکم بھی دیا ہے، جسٹس ملک شہزاد احمد خان نے ریمارکس دئیے کہ ہائیکورٹ میں آنے والا ہر شخص قابل احترام ہے۔
