میٹا نے انسٹا گرام ڈائریکٹ میسجز کیلئے اینڈ ٹو اینڈ انکرپشن سپورٹ ختم کر دی

کیلیفورنیا : میٹا نے اعلان کیا ہے کہ 8 مارچ 2026 سے انسٹا گرام کے ڈائریکٹ میسجز (ڈی ایمز) میں اینڈ ٹو اینڈ انکرپشن کی سپورٹ ختم ہو جائے گی۔ اس بارے میں صارفین کو ایپ اور سپورٹ پیج کے ذریعے اطلاع دی گئی ہے۔

کمپنی کے مطابق یہ سپورٹ ختم کرنے کی وجہ یہ ہے کہ بہت کم صارفین اس فیچر کو استعمال کرتے تھے۔ اینڈ ٹو اینڈ انکرپشن سے صارفین کے میسجز اور کالز کسی کے لیے قابل رسائی نہیں ہوتے، حتیٰ کہ میٹا کو بھی۔

میٹا نے بتایا کہ متاثرہ صارفین اپنے میسجز یا میڈیا کو ڈاؤن لوڈ کر سکتے ہیں، اور اگر وہ انسٹا گرام کا پرانا ورژن استعمال کر رہے ہیں تو پہلے ایپ کو اپ ڈیٹ کرنا ضروری ہے۔

میٹا نے یہ بھی کہا کہ اگر صارفین کو اینڈ ٹو اینڈ انکرپشن کی ضرورت ہے تو وہ واٹس ایپ یا فیس بک میسنجر استعمال کر سکتے ہیں۔