آرمی چیف کا کراچی ایکسپو سنٹر میں جاری آئیڈیاز 2022 دفاعی نمائش کا دورہ

کراچی: آرمی چیف جنرل قمر جاوید باجوہ نے کراچی ایکسپو سنٹر میں جاری آئیڈیاز 2022 دفاعی نمائش کے مختلف سٹالز کا دورہ کیا ۔

آئی ایس پی آر کے مطابق آرمی چیف نے بحرین ، اٹلی ، سری لنکا ، لیبیا ، زمبابوے اور متحدہ عرب امارات کے وفود سے ملاقاتیں بھی کیں ۔

جنرل قمر جاوید باجوہ نے ملیر گیریژن کا دورہ بھی کیا ، جہاں انہوں نے یادگار شہدا پر پھولوں کی چادر چڑھائی اور فاتحہ خوانی کی ، فوجی افسران اور جوانوں سے الوداعی خطاب بھی کیا ۔