مکہ مکرمہ کے مقدس مقام پر ڈرون حملے کی شدید مذمت، پاکستان سعودی عرب کے ساتھ کھڑا ہے: شہباز شریف

اسلام آباد: وزیراعظم شہباز شریف نے مکہ مکرمہ کے مقدس مقام پر ہونے والے ڈرون حملے کی شدید مذمت کرتے ہوئے کہا ہے کہ پاکستان اس مشکل وقت میں سعودی عرب کے ساتھ شانہ بشانہ کھڑا ہے۔

وزیراعظم نے کہا کہ حرمین شریفین کی سلامتی اور تقدس کا تحفظ ہر پاکستانی کے دل کے بہت قریب ہے۔ پاکستانی عوام اس اشتعال انگیز اقدام پر گہرے دکھ اور تشویش میں مبتلا ہیں۔

شہباز شریف نے سعودی مسلح افواج کی غیر معمولی بہادری اور پیشہ ورانہ صلاحیتوں کو خراجِ تحسین پیش کرتے ہوئے کہا کہ سعودی افواج نے فوری اور بہادرانہ کارروائی کے ذریعے خطرے کا مقابلہ کیا۔

وزیراعظم نے تمام فریقین پر زور دیا کہ وہ تحمل کا مظاہرہ کریں، کیونکہ خطہ پہلے ہی تنازعات کی بہت بھاری قیمت ادا کر چکا ہے۔

انہوں نے کہا کہ مکالمہ اور سفارت کاری ہی پائیدار امن کی جانب واحد قابلِ عمل راستہ ہے۔