امریکا میں 22 برس سے ایک ہی نمبر سے لاٹری کھیلنے والے شخص نے لاکھوں ڈالر جیت لیے

نیویارک : امریکی ریاست اوہائیو کے شہر ایکرون سے تعلق رکھنے والے ایک شخص نے بالآخر 22 سالوں بعد اپنی محنت کا میٹھا پھل پایا اور لاکھوں ڈالر کا انعام جیت لیا۔ اس شخص نے بتایا کہ وہ گزشتہ 22 برس سے ایک ہی چھ ہندسوں کا سیٹ (6-8-16-20-26-45) لاٹری کے لیے استعمال کر رہے تھے۔ اگرچہ اس دوران انھیں چھوٹے انعامات ملے، لیکن وہ ان ہی نمبروں پر قائم رہے۔

شہری نے 4 فروری کی قرعہ اندازی کے لیے وہی نمبر خریدا، اور اس بار انہیں 35 لاکھ ڈالر کا انعام مل گیا۔ انہوں نے کہا کہ جب قرعہ اندازی کے نتائج سامنے آئے، تو فوراً اپنے نمبروں کو پہچان لیا تھا اور یہ لمحہ ان کے لیے بہت خوشی کا باعث بنا۔