لاہور: لاہور کے علاقے مسلم ٹاؤن میں نامعلوم رکشہ ڈرائیور نے پنجاب یونیورسٹی کی طالبہ کو جنسی ہراساں کرنے کی کوشش کی۔ مسلم ٹاون پولیس نے واقعہ کا مقدمہ درج کرلیا ہے۔
رکشہ ڈرائیور کی جانب سے پنجاب یونیورسٹی کی طالبہ کو جنسی طور پر ہراساں کرنے کا مقدمہ مسلم ٹاون پولیس نے درج کرلیا گیا۔
متاثرہ لڑکی کے بیان کے مطابق رکشہ ڈرائیور ملزم نے سفرشروع ہوتے ہی موبائل پر فحش ویڈیو چلائی، اور دوران سفر لڑکی کو جنسی ہراساں کیا۔ بیان میں مزید بتایا گیا ہے کہ رکشہ ڈرائیور نے لڑکی کا نقاب اتارنے کی کوشش کی، اور درست درازی کرتے ہوئے گالیاں اور دھمکیاں دیں۔
پولیس حکام کے مطابق لڑکی نے رکشے کا نمبر نوٹ کرلیا تھا، رکشے کا نمبر 2594 اور ملزم کی عمر 25 سال تھی، لڑکی کے بیان کے مطابق مقدمہ درج کرلیا ہے، اور ملزم کی گرفتاری کے لئے قانونی کارروائی جاری ہے۔
