دبئی: ٹی 20 ورلڈ کپ میں بھارت کے خلاف تباہ کن بولنگ کرانے پر انٹرنیشنل کرکٹ کونسل (آئی سی سی) نے بڑا اعزاز شاہین شاہ آفریدی کے نام کر دیا۔
آئی سی سی نے سوشل میڈیا پر شاہین شاہ آفریدی کا بھارت کے خلاف اوپننگ اسپل ’ پلے آف دی ٹورنامنٹ‘ قرار دیا ہے۔ چھ فٹ 6 انچ کا قد رکھنے والے 21 سالہ شاہین شاہ آفریدی نے روائتی حریف بھارت کے خلاف تباہ کن بولنگ کا مظاہرہ کیا تھا۔
The winner of the @Nissan Play of the Tournament from the 2021 ICC Men's #T20WorldCup is:
— ICC (@ICC) November 17, 2021
Shaheen Afridi's blistering opening spell against India ???? pic.twitter.com/uv94PnVd89
انہوں نے اپنے پہلے اوور کی تیسری گیند پر تجربہ کار بھارتی اوپنر روہت شرما کو ایل بی ڈبلیو آؤٹ کیا اور اس کے بعد اپنے دوسرے ہی اوور میں کے ایل راہول کو ناقابل یقین گیند پر بولڈ کر دیا۔
شاہین شاہ آفریدی کی جارحانہ بولنگ کے باعث بھارتی بیٹنگ لائن بُری طرح لڑ کھڑا گئی اور پاکستان کو بڑا ہدف دینے میں ناکام رہی۔
