دھرم شالہ: جنوبی افریقہ اور نیدرلینڈز کے درمیان بارش کے باعث تاخیر کا شکار ہو گیا ہے۔
جنوبی افریقہ اور نید رلینڈز کے درمیان میچ شام 4 بجے شروع ہو گا اور بارش کے باعث اوورز میں کمی کر دی گئی ہے جس کے بعد 45 اوورز کا میچ کھیلا جائے گا۔
f4def1719b362e3579ce501a871c37b6
انٹرنیشنل کر کٹ کونسل (آئی سی سی) ورلڈ کپ میں جنوبی افریقہ نے نیدرلینڈز کے خلاف ٹاس جیت کر بولنگ کا فیصلہ کیا۔
2c081e3f098b5d602dcbb15c79bae781
جنوبی افریقہ اور نیدرلینڈز کے درمیان میچ دھرمشالا میں ہماچل پردیش کرکٹ اسٹیڈیم میں ہونا ہے جہاں آج صبح سے بارش کا سلسلہ وقفے وقفے سے جاری ہے۔
ہلکی ہلکی بارش اور اسٹیڈیم گیلا ہونے کی وجہ سے میچ تاخیر کا شکار ہے۔
df127a91b5e8c6cf663dae374cbe1221
میچ کا ٹاس پاکستانی وقت کے مطابق ایک بجے جب کہ کھیل کا آغاز 1 بج کر 30 منٹ پر ہونا تھا لیکن بارش کے باعث اس میں تاخیر ہوگئی۔
آئی سی سی ون ڈے ورلڈ کپ 2023 میں دونوں ٹیموں کا یہ تیسرا میچ ہوگا۔اپنے پہلے میچ میں جنوبی افریقہ نے سری لنکا کو 102 رنز سے شکست دی تھی جبکہ دوسرے میچ میں جنوبی افریقہ نے آسٹریلیا کو 134 رنز سے شکست دی تھی۔
دوسری جانب نیدرلینڈز کو اپنے پہلے میچ میں پاکستان کے ہاتھوں 81 رنز سے شکست ہوئی تھی جبکہ دوسرے میچ میں ڈچ ٹیم کو کیویز کے ہاتھوں 99 رنز سے شکست کا سامنا کرنا پڑا تھا۔
ون ڈے میں دونوں ٹیمیں سات بار آمنے سامنے آ چکی ہیں، جس میں جنوبی افریقہ نے چھ بار کامیابی حاصل کی اور ایک میچ کا کوئی نتیجہ نہیں نکلا۔
ون ڈے ورلڈ کپ کی تاریخ میں دونوں ٹیمیں تین بار ایک دوسرے کا سامنا کر چکی ہیں، جس میں جنوبی افریقہ نے نیدرلینڈزکے خلاف 3-0 کی برتری حاصل کی۔
جنوبی افریقہ اسکواڈ
کوئنٹن ڈی کوک (وکٹ کیپر)، ٹیمبا باوما (کپتان)، رسی وین ڈیر ڈوسن، ایڈن مارکرم، ڈیوڈ ملر، ہینرک کلاسن، مارکو جانسن، کاگیسو ربادا، کیشو مہاراج، لونگی نگیڈی، جیرالڈ کوٹزی
نیدرلینڈز اسکواڈ
وکرمجیت سنگھ، میکس او ڈاؤڈ، کولن ایکرمین، باس ڈی لیڈے، تیجا ندامانورو، سکاٹ ایڈورڈز (کپتان اور وکٹ کیپر)، سائبرینڈ اینجلبرچٹ، روئیلوف وین ڈیر مروے، لوگن وین بیک، آرین دت، پال وین میکرین
